131:1
lamnatsêach mizmor ledhâvidh
31:2 bekha Ado-nay
châsiythiy'al-'êbhoshâh le`olâm betsidhqâthekha phallethêniy
31:3 hathêh 'êlay
'âzenekhamehêrâh hatsiylêniy heyêh liy letsur-mâ`oz lebhêyth metsudhothlehoshiy`êniy
31:4 kiy-sal`iy
umetsudhâthiy 'âttâh ulema`an shimkhatanchêniy uthenahalêniy
31:5 totsiy'êniy
mêresheth zu thâmenu liy kiy-'attâhmâ`uzziy
31:6 beyâdhekha
'aphqiydh ruchiy pâdhiythâh 'othiy Ado-nay 'êl'emeth
31:7 sânê'thiy
hashomeriym habhlêy-shâve' va'aniy 'el-Ado-nay bâthâchetiy
31:8 'âghiylâh
ve'esmechâh bechasdekha 'asher râ'iythâ 'eth-`âneyiyyâdha`tâ betsâroth
naphshiy
31:9 velo' hisgartaniy
beyadh-'oyêbh he`emadhtâbhammerchâbh raghlây
31:10 chânnêniy
Ado-nay kiy tsar-liy `âsheshâhbhekha`as `êyniy naphshiy ubhithniy
31:11 kiy khâlu
bheyâghon chayyay ushenothayba'anâchâh kâshal ba`avoniy khochiy va`atsâmay
`âshêshu
31:12 mikkol-tsoreray
hâyiythiy cherpâh velishakhênay me'odh uphachadh limyuddâ`âyro'ay
bachuts nâdhdhu mimmenniy
31:13 nishkachtiy
kemêth millêbh hâyiythiykikhliy 'obhêdh
31:14 kiy shâma`tiy
dibbath rabbiym mâghor missâbhiybhbehivvâsdhâm yachadh `âlay lâqachath
naphshiy zâmâmu
31:15 va'aniy`âleykha
bhâthachtiy Ado-nay 'âmartiy 'elohay 'âttâh
31:16 beyâdhkha`ittothây
hatsiylêniy miyyadh-'oyebhay umêrodhephây
31:17 hâ'iyrâhphâneykha
`al-`abhdekha hoshiy`êniy bhechasdekha
31:18 Ado-nay
'al-'êbhoshâh kiy qerâ'thiykha yêbhoshu reshâ`iym yiddemu lish'ol
31:19 tê'âlamnâh
siphthêy shâqer haddobheroth `al-tsaddiyq `âthâq begha'avâhvâbhuz
31:20 mâh rabh-thubhekha
'asher-tsâphantâ liyrê'eykha pâ`altâ lachosiym.bâkh neghedh benêy
'âdhâm
31:21 tastiyrêm
besêther pâneykha mêrukhsêy'iysh titspenêm besukkâh mêriybh leshonoth
31:22 bârukh
Ado-nay kiyhiphliy' chasdo liy be`iyr mâtsor
31:23 va'aniy
'âmartiy bhechâphziynighraztiy minneghedh `êyneykha 'âkhên shâma`tâ
qol tachanunaybeshavve`iy 'êleykha
31:24 'ehebhu
'eth-Ado-nay kol-chasiydhâyv'emuniym notsêr Ado-nay umeshallêm `al-yether
`osêh gha'avâh
31:25 chizqu veya'amêts
lebhabhkhem kol-hamyachaliym layhvah |
 Tehilim
031
א לַמְנַצֵּחַ, מִזְמוֹר
לְדָוִד. ב בְּךָ-יְהוָה חָסִיתִי, אַל-אֵבוֹשָׁה
לְעוֹלָם; בְּצִדְקָתְךָ פַלְּטֵנִי. ג הַטֵּה
אֵלַי, אָזְנְךָ-- מְהֵרָה הַצִּילֵנִי:הֱיֵה
לִי, לְצוּר-מָעוֹז--לְבֵית מְצוּדוֹת; לְהוֹשִׁיעֵנִי.
ד כִּי-סַלְעִי וּמְצוּדָתִי אָתָּה; וּלְמַעַן
שִׁמְךָ, תַּנְחֵנִי וּתְנַהֲלֵנִי. ה תּוֹצִיאֵנִי--מֵרֶשֶׁת
זוּ, טָמְנוּ לִי: כִּי-אַתָּה, מָעוּזִּי.
ו בְּיָדְךָ, אַפְקִיד רוּחִי: פָּדִיתָ
אוֹתִי יְהוָה--אֵל אֱמֶת. ז שָׂנֵאתִי, הַשֹּׁמְרִים
הַבְלֵי-שָׁוְא; וַאֲנִי, אֶל-יְהוָה בָּטָחְתִּי.
ח אָגִילָה וְאֶשְׂמְחָה, בְּחַסְדֶּךָ:אֲשֶׁר
רָאִיתָ, אֶת-עָנְיִי; יָדַעְתָּ, בְּצָרוֹת
נַפְשִׁי. ט וְלֹא הִסְגַּרְתַּנִי, בְּיַד-אוֹיֵב;
הֶעֱמַדְתָּ בַמֶּרְחָב רַגְלָי. י חָנֵּנִי
יְהוָה, כִּי צַר-לִי:עָשְׁשָׁה בְכַעַס
עֵינִי; נַפְשִׁי וּבִטְנִי. יא כִּי כָלוּ
בְיָגוֹן, חַיַּי-- וּשְׁנוֹתַי בַּאֲנָחָה:כָּשַׁל
בַּעֲוֹנִי כֹחִי; וַעֲצָמַי עָשֵׁשׁוּ.
יב מִכָּל-צֹרְרַי הָיִיתִי חֶרְפָּה, וְלִשְׁכֵנַי
מְאֹד-- וּפַחַד לִמְיֻדָּעָי:רֹאַי בַּחוּץ--
נָדְדוּ מִמֶּנִּי. יג נִשְׁכַּחְתִּי, כְּמֵת
מִלֵּב; הָיִיתִי, כִּכְלִי אֹבֵד. יד כִּי
שָׁמַעְתִּי, דִּבַּת רַבִּים-- מָגוֹר מִסָּבִיב:בְּהִוָּסְדָם
יַחַד עָלַי; לָקַחַת נַפְשִׁי זָמָמוּ.
טו וַאֲנִי, עָלֶיךָ בָטַחְתִּי יְהוָה;
אָמַרְתִּי, אֱלֹהַי אָתָּה. טז בְּיָדְךָ
עִתֹּתָי; הַצִּילֵנִי מִיַּד-אוֹיְבַי,
וּמֵרֹדְפָי. יז הָאִירָה פָנֶיךָ, עַל-עַבְדֶּךָ;
הוֹשִׁיעֵנִי בְחַסְדֶּךָ. יח יְהוָה--אַל-אֵבוֹשָׁה,
כִּי קְרָאתִיךָ; יֵבֹשׁוּ רְשָׁעִים, יִדְּמוּ
לִשְׁאוֹל. יט תֵּאָלַמְנָה, שִׂפְתֵי-שָׁקֶר:
הַדֹּבְרוֹת עַל-צַדִּיק עָתָק--בְּגַאֲוָה
וָבוּז. כ מָה רַב-טוּבְךָ, אֲשֶׁר-צָפַנְתָּ
לִּירֵאֶיךָ:פָּעַלְתָּ, לַחֹסִים בָּךְ;
נֶגֶד, בְּנֵי אָדָם. כא תַּסְתִּירֵם, בְּסֵתֶר
פָּנֶיךָ-- מֵרֻכְסֵי-אִישׁ:תִּצְפְּנֵם
בְּסֻכָּה; מֵרִיב לְשֹׁנוֹת. כב בָּרוּךְ
יְהוָה: כִּי הִפְלִיא חַסְדּוֹ לִי, בְּעִיר
מָצוֹר. כג וַאֲנִי, אָמַרְתִּי בְחָפְזִי--
נִגְרַזְתִּי, מִנֶּגֶד עֵינֶיךָ:אָכֵן--שָׁמַעְתָּ,
קוֹל תַּחֲנוּנַי; בְּשַׁוְּעִי אֵלֶיךָ.
כד אֶהֱבוּ אֶת-יְהוָה, כָּל-חֲסִידָיו:אֱמוּנִים,
נֹצֵר יְהוָה; וּמְשַׁלֵּם עַל-יֶתֶר, עֹשֵׂה
גַאֲוָה. כה חִזְקוּ, וְיַאֲמֵץ לְבַבְכֶם--
כָּל-הַמְיַחֲלִים, לַיהוָה.
|
Signification : Contre
le mauvais oeil
