34:1 ledhâvidh beshannotho
'eth-tha`mo liphnêy 'abhiymelekhvayghârashêhu vayyêlakh
34:2 'abhârakhâh
'eth-Ado-nay bekhol-`êth tâmiydhtehillâtho bephiy
34:3 bayhvh tithhallêl
naphshiy yishme`u `anâviymveyismâchu
34:4 gaddelu layhvh
'ittiy uneromemâh shemo yachdâv
34:5 dârashtiy
'eth-Ado-nay ve`ânâniy umikkâl-meghurothay hitsiylâniy
34:6 hibbiythu
'êlâyv venâhâru uphenêyhem 'al-yechpâru
34:7 zeh `âniyqârâ'
vayhvh shâmêa` umikkâl-tsârothâyv hoshiy`o
34:8 choneh mal'akh-Ado-nay
sâbhiybh liyrê'âyv vaychalletsêm
34:9 tha`amu ure'u
kiy-thobh Ado-nay 'ashrêy haggebher yecheseh-bo
34:10 yer'u 'eth-Adonayqedhoshâyv
kiy-'êyn machsor liyrê'âyv
34:11 kephiyriym
râshu verâ`êbhuvedhoreshêy Ado-nay lo'-yachseru khol-thobh
34:12 lekhu-bhâniym
shim`u-liyyir'ath Adonay 'alammedhkhem
34:13 miy-hâ'iysh
hechâphêts chayyiym'ohêbh yâmiym lir'oth thobh
34:14 netsor leshonekha
mêrâ` usephâtheykhamiddabbêr mirmâh
34:15 sur mêrâ`
va`asêh-thobh baqqêsh shâlomverâdhphêhu
34:16 `êynêy
Adonay 'el-tsaddiyqiym ve'âznâyv 'el-shav`âthâm
34:17 penêy Ado-nay
be`osêy râ` lehakhriyth mê'erets zikhrâm
34:18 tsâ`aqu
vayhvh shâmêa` umikkâl-tsârothâm hitsiylâm
34:19 qârobh
Ado-nay lenishberêy-lêbh ve'eth-dakke'êy-ruach yoshiya`
34:20 rabbothrâ`oth
tsaddiyq umikkullâm yatsiylennu Ado-nay
34:21 shomêrkol-`atsmothâyv
'achath mêhênnâh lo' nishbârâh
34:22 temothêth
râshâ` râ`âhvesone'êy tsaddiyq ye'shâmu
34:23 podheh Adonay
nephesh `abhâdhâyv.velo' ye'shemu kol-hachosiym bo |
 Tehilim
034
א לְדָוִד-- בְּשַׁנּוֹתוֹ
אֶת-טַעְמוֹ, לִפְנֵי אֲבִימֶלֶךְ; וַיְגָרְשֵׁהוּ,
וַיֵּלַךְ. ב אֲבָרְכָה אֶת-יְהוָה בְּכָל-עֵת;
תָּמִיד, תְּהִלָּתוֹ בְּפִי. ג בַּיהוָה,
תִּתְהַלֵּל נַפְשִׁי; יִשְׁמְעוּ עֲנָוִים
וְיִשְׂמָחוּ. ד גַּדְּלוּ לַיהוָה אִתִּי;
וּנְרוֹמְמָה שְׁמוֹ יַחְדָּו. ה דָּרַשְׁתִּי
אֶת-יְהוָה וְעָנָנִי; וּמִכָּל-מְגוּרוֹתַי
הִצִּילָנִי. ו הִבִּיטוּ אֵלָיו וְנָהָרוּ;
וּפְנֵיהֶם, אַל-יֶחְפָּרוּ. ז זֶה עָנִי
קָרָא, וַיהוָה שָׁמֵעַ; וּמִכָּל-צָרוֹתָיו,
הוֹשִׁיעוֹ. ח חֹנֶה מַלְאַךְ-יְהוָה סָבִיב
לִירֵאָיו; וַיְחַלְּצֵם. ט טַעֲמוּ וּרְאוּ,
כִּי-טוֹב יְהוָה; אַשְׁרֵי הַגֶּבֶר, יֶחֱסֶה-בּוֹ.
י יְראוּ אֶת-יְהוָה קְדֹשָׁיו: כִּי-אֵין
מַחְסוֹר, לִירֵאָיו. יא כְּפִירִים, רָשׁוּ
וְרָעֵבוּ; וְדֹרְשֵׁי יְהוָה, לֹא-יַחְסְרוּ
כָל-טוֹב. יב לְכוּ-בָנִים, שִׁמְעוּ-לִי;
יִרְאַת יְהוָה, אֲלַמֶּדְכֶם. יג מִי-הָאִישׁ,
הֶחָפֵץ חַיִּים; אֹהֵב יָמִים, לִרְאוֹת
טוֹב. יד נְצֹר לְשׁוֹנְךָ מֵרָע; וּשְׂפָתֶיךָ,
מִדַּבֵּר מִרְמָה. טו סוּר מֵרָע, וַעֲשֵׂה-טוֹב;
בַּקֵּשׁ שָׁלוֹם וְרָדְפֵהוּ. טז עֵינֵי
יְהוָה, אֶל-צַדִּיקִים; וְאָזְנָיו, אֶל-שַׁוְעָתָם.
יז פְּנֵי יְהוָה, בְּעֹשֵׂי רָע; לְהַכְרִית
מֵאֶרֶץ זִכְרָם. יח צָעֲקוּ, וַיהוָה שָׁמֵעַ;
וּמִכָּל-צָרוֹתָם, הִצִּילָם. יט קָרוֹב
יְהוָה, לְנִשְׁבְּרֵי-לֵב; וְאֶת-דַּכְּאֵי-רוּחַ
יוֹשִׁיעַ. כ רַבּוֹת, רָעוֹת צַדִּיק; וּמִכֻּלָּם,
יַצִּילֶנּוּ יְהוָה. כא שֹׁמֵר כָּל-עַצְמוֹתָיו;
אַחַת מֵהֵנָּה, לֹא נִשְׁבָּרָה. כב תְּמוֹתֵת
רָשָׁע רָעָה; וְשֹׂנְאֵי צַדִּיק יֶאְשָׁמוּ.
כג פֹּדֶה יְהוָה, נֶפֶשׁ עֲבָדָיו; וְלֹא
יֶאְשְׁמוּ, כָּל-הַחֹסִים בּוֹ.
|
Signification : Pendant
la route
