36:1 lamnatsêach le`ebhedh-Adonay ledhâvidh
36:2 ne'um-pesha`lârâshâ` beqerebh libbiy
'êyn-pachadh 'elohiym leneghedh `êynâyv
36:3 kiy-hecheliyq 'êlâyv be`êynâyv limtso'
`avono lisno'
36:4 dibhrêy-phiyv'âven umirmâh châdhal
lehaskiyl lehêythiybh
36:5 'âven yachshobh `al-mishkâbho yithyatsêbh
`al-derekh lo'-thobh râ` lo' yim'âs
36:6 Adonaybehashâmayim chasdekha 'emunâthekha
`adh-shechâqiym
36:7 tsidhqâthekhakeharerêy-'êl mishpâthekha
tehom rabbâh 'âdhâm-ubhehêmâh thoshiya`Adonay
36:8 mah-yâqâr chasdekha 'elohiym ubhenêy
'âdhâm betsêlkenâpheykha yechesâyun
36:9 yirveyun middeshen bêythekha venachal`adhâneykha
thashqêm
36:10 kiy-`immekha meqor chayyiym be'orekhanir'eh-'or
36:11 meshokh chasdekha leyodhe`eykha vetsidhqâthekha
leyishrêy-lêbh
36:12 'al-tebho'êniy reghel ga'avâh veyadh-reshâ`iym
'al-tenidhêniy
36:13 shâmnâphelu po`alêy 'âven dochu velo'-yâkhelu
qum |
 Tehilim
036
א לַמְנַצֵּחַ לְעֶבֶד-יְהוָה
לְדָוִד. ב נְאֻם-פֶּשַׁע לָרָשָׁע, בְּקֶרֶב
לִבִּי; אֵין-פַּחַד אֱלֹהִים, לְנֶגֶד עֵינָיו.
ג כִּי-הֶחֱלִיק אֵלָיו בְּעֵינָיו; לִמְצֹא
עֲוֹנוֹ לִשְׂנֹא. ד דִּבְרֵי-פִיו, אָוֶן
וּמִרְמָה; חָדַל לְהַשְׂכִּיל לְהֵיטִיב.
ה אָוֶן, יַחְשֹׁב--עַל-מִשְׁכָּבוֹ: יִתְיַצֵּב,
עַל-דֶּרֶךְ לֹא-טוֹב; רָע, לֹא יִמְאָס. ו
יְהוָה, בְּהַשָּׁמַיִם חַסְדֶּךָ; אֱמוּנָתְךָ,
עַד-שְׁחָקִים. ז צִדְקָתְךָ, כְּהַרְרֵי-אֵל--מִשְׁפָּטֶיךָ,
תְּהוֹם רַבָּה; אָדָם וּבְהֵמָה תוֹשִׁיעַ
יְהוָה. ח מַה-יָּקָר חַסְדְּךָ, אֱלֹהִים:
וּבְנֵי אָדָם--בְּצֵל כְּנָפֶיךָ, יֶחֱסָיוּן.
ט יִרְוְיֻן, מִדֶּשֶׁן בֵּיתֶךָ; וְנַחַל
עֲדָנֶיךָ תַשְׁקֵם. י כִּי-עִמְּךָ, מְקוֹר
חַיִּים; בְּאוֹרְךָ, נִרְאֶה-אוֹר. יא מְשֹׁךְ
חַסְדְּךָ, לְיֹדְעֶיךָ; וְצִדְקָתְךָ, לְיִשְׁרֵי-לֵב.
יב אַל-תְּבוֹאֵנִי, רֶגֶל גַּאֲוָה; וְיַד-רְשָׁעִים,
אַל-תְּנִדֵנִי. יג שָׁם נָפְלוּ, פֹּעֲלֵי
אָוֶן; דֹּחוּ, וְלֹא-יָכְלוּ קוּם.
|
Signification : Pour annihiler les
méchants
