37:1
ledhâvidh 'al-tithchar bammerê`iym 'al-teqannê' be`osêy`avlâh
37:2
kiy khechâtsiyr mehêrâh yimmâlu ukheyereq deshe' yibbolun
37:3
bethach bayhvh va`asêh-thobh shekhân-'erets ure`êh 'emunâh
37:4
vehith`annagh `al-Adonay veyitten-lekha mish'aloth libbekha
37:5
gol`al-Adonay darkekha ubhethach `âlâyv vehu' ya`aseh
37:6
vehotsiy'khâ'or tsidhqekha umishpâthekha katsohorâyim
37:7
dom layhvh vehithcholêllo 'al-tithchar bematsliyach darko be'iysh `oseh
mezimmoth
37:8
herephmê'aph va`azobh chêmâh 'al-tithchar 'akh-lehârêa`
37:9
kiy-merê`iymyikkârêthun veqovêy Adonay hêmmâh yiyrshu-'ârets
37:10
ve`odhme`ath ve'êyn râshâ` vehithbonantâ `al-meqomo ve'êynennu
37:11
va`anâviym yiyrshu-'ârets vehith`anneghu `al-robh shâlom
37:12
zomêmrâshâ` latsaddiyq vechorêq `âlâyv shinnâyv
37:13
'adhonây yischaq-lo kiy-râ'âh kiy-yâbho' yomo
37:14
cherebh pâthchu reshâ`iym vedhârkhu qashtâmlehappiyl `âniy ve'ebhyon
lithbhoach yishrêy-dhârekh
37:15
charbâm tâbho'bhelibbâm veqashethothâm tishâbharnâh
37:16
thobh-me`ath latsaddiyq mêhamonreshâ`iym rabbiym
37:17
kiy zero`oth reshâ`iym tishâbharnâh vesomêkhtsaddiyqiym Adonay
37:18
yodhêa` Adonay yemêy themiymim.venachalâthâm le`olâm tihyeh
37:19
lo'-yêbhoshu be`êth râ`âh ubhiymêyre`âbhon yisbâ`u
37:20
kiy reshâ`iym yo'bhêdhu ve'oyebhêy Adonaykiyqar kâriym kâlu bhe`âshân
kâlu
37:21
loveh râshâ` velo' yeshallêmvetsaddiyq chonên venothên
37:22
kiy mebhorâkhâyv yiyrshu 'âretsumequllâlâyv yikkârêthu
37:23
mêyhvh mits`adhêy-ghebher konânuvedharko yechpâts
37:24
kiy-yippol lo'-yuthâl kiy-Adonay somêkh yâdho
37:25
na`ar hâyiythiy gam-zâqantiy velo'-râ'iythiy tsaddiyq ne`ezâbhvezar`o
mebhaqqesh-lâchem
37:26
kol-hayyom chonên umalveh vezar`olibhrâkhâh
37:27
sur mêrâ` va`asêh-thobh ushekhon le`olâm
37:28
kiy Adonay'ohêbh mishpâth velo'-ya`azobh 'eth-chasiydhâyv le`olâm nishmâru
vezera`reshâ`iym nikhrâth
37:29
tsaddiyqiym yiyrshu-'ârets veyishkenu lâ`adh `âleyhâ
37:30
piy-tsaddiyq yehgeh châkhmâh uleshono tedhabbêr mishpâth
37:31
torath'elohâyv belibbo lo' thim`adh 'ashurâyv
37:32
tsopheh râshâ` latsaddiyqumebhaqqêsh lahamiytho
37:33
Adonay lo'-ya`azbhennu bheyâdho velo'yarshiy`ennu behishâphtho
37:34
qavvêh 'el-Adonay ushemor darkoviyromimkha lâresheth 'ârets behikkârêth
reshâ`iym tir'eh
37:35
râ'iythiyrâshâ` `âriyts umith`âreh ke'ezrâch ra`anân
37:36
vayya`abhor vehinnêh'êynennu vâ'abhaqshêhu velo' nimtsâ'
37:37
shemâr-tâm ure'êh yâshârkiy-'achariyth le'iysh shâlom
37:38
uphoshe`iym nishmedhu yachdâv 'achariythreshâ`iym nikhrâthâh
37:39
utheshu`ath tsaddiyqiym mêyhvh mâ`uzzâm be`êthtsârâh
37:40
vayya`zerêm Adonay vayphallethêm yephallethêmmêreshâ`iym veyoshiy`êm
kiy-châsu bho |
 Tehilim
037
א לְדָוִד: אַל-תִּתְחַר
בַּמְּרֵעִים; אַל-תְּקַנֵּא, בְּעֹשֵׂי
עַוְלָה. ב כִּי כֶחָצִיר, מְהֵרָה יִמָּלוּ;
וּכְיֶרֶק דֶּשֶׁא, יִבּוֹלוּן. ג בְּטַח
בַּיהוָה, וַעֲשֵׂה-טוֹב; שְׁכָן-אֶרֶץ, וּרְעֵה
אֱמוּנָה. ד וְהִתְעַנַּג עַל-יְהוָה; וְיִתֶּן-לְךָ,
מִשְׁאֲלֹת לִבֶּךָ. ה גּוֹל עַל-יְהוָה
דַּרְכֶּךָ; וּבְטַח עָלָיו, וְהוּא יַעֲשֶׂה.
ו וְהוֹצִיא כָאוֹר צִדְקֶךָ; וּמִשְׁפָּטֶךָ,
כַּצָּהֳרָיִם. ז דּוֹם, לַיהוָה-- וְהִתְחוֹלֵל-לוֹ:אַל-תִּתְחַר,
בְּמַצְלִיחַ דַּרְכּוֹ; בְּאִישׁ, עֹשֶׂה
מְזִמּוֹת. ח הֶרֶף מֵאַף, וַעֲזֹב חֵמָה;
אַל-תִּתְחַר, אַךְ-לְהָרֵעַ. ט כִּי-מְרֵעִים,
יִכָּרֵתוּן; וְקֹוֵי יְהוָה, הֵמָּה יִירְשׁוּ-אָרֶץ.
י וְעוֹד מְעַט, וְאֵין רָשָׁע; וְהִתְבּוֹנַנְתָּ
עַל-מְקוֹמוֹ וְאֵינֶנּוּ. יא וַעֲנָוִים
יִירְשׁוּ-אָרֶץ; וְהִתְעַנְּגוּ, עַל-רֹב
שָׁלוֹם. יב זֹמֵם רָשָׁע, לַצַּדִּיק; וְחֹרֵק
עָלָיו שִׁנָּיו. יג אֲדֹנָי יִשְׂחַק-לוֹ:
כִּי-רָאָה, כִּי-יָבֹא יוֹמוֹ. יד חֶרֶב,
פָּתְחוּ רְשָׁעִים-- וְדָרְכוּ קַשְׁתָּם:לְהַפִּיל,
עָנִי וְאֶבְיוֹן; לִטְבוֹחַ, יִשְׁרֵי-דָרֶךְ.
טו חַרְבָּם, תָּבוֹא בְלִבָּם; וְקַשְּׁתוֹתָם,
תִּשָּׁבַרְנָה. טז טוֹב-מְעַט, לַצַּדִּיק--
מֵהֲמוֹן, רְשָׁעִים רַבִּים. יז כִּי זְרוֹעוֹת
רְשָׁעִים, תִּשָּׁבַרְנָה; וְסוֹמֵךְ צַדִּיקִים
יְהוָה. יח יוֹדֵעַ יְהוָה, יְמֵי תְמִימִם;
וְנַחֲלָתָם, לְעוֹלָם תִּהְיֶה. יט לֹא-יֵבֹשׁוּ,
בְּעֵת רָעָה; וּבִימֵי רְעָבוֹן יִשְׂבָּעוּ.
כ כִּי רְשָׁעִים, יֹאבֵדוּ, וְאֹיְבֵי יְהוָה,
כִּיקַר כָּרִים; כָּלוּ בֶעָשָׁן כָּלוּ.
כא לֹוֶה רָשָׁע, וְלֹא יְשַׁלֵּם; וְצַדִּיק,
חוֹנֵן וְנוֹתֵן. כב כִּי מְבֹרָכָיו, יִירְשׁוּ
אָרֶץ; וּמְקֻלָּלָיו, יִכָּרֵתוּ. כג מֵיְהוָה,
מִצְעֲדֵי-גֶבֶר כּוֹנָנוּ; וְדַרְכּוֹ
יֶחְפָּץ. כד כִּי-יִפֹּל לֹא-יוּטָל: כִּי-יְהוָה,
סוֹמֵךְ יָדוֹ. כה נַעַר, הָיִיתִי-- גַּם-זָקַנְתִּי:וְלֹא-רָאִיתִי,
צַדִּיק נֶעֱזָב; וְזַרְעוֹ, מְבַקֶּשׁ-לָחֶם.
כו כָּל-הַיּוֹם, חוֹנֵן וּמַלְוֶה; וְזַרְעוֹ,
לִבְרָכָה. כז סוּר מֵרָע, וַעֲשֵׂה-טוֹב;
וּשְׁכֹן לְעוֹלָם. כח כִּי יְהוָה, אֹהֵב
מִשְׁפָּט, וְלֹא-יַעֲזֹב אֶת-חֲסִידָיו,
לְעוֹלָם נִשְׁמָרוּ;וְזֶרַע רְשָׁעִים
נִכְרָת. כט צַדִּיקִים יִירְשׁוּ-אָרֶץ;
וְיִשְׁכְּנוּ לָעַד עָלֶיהָ. ל פִּי-צַדִּיק,
יֶהְגֶּה חָכְמָה; וּלְשׁוֹנוֹ, תְּדַבֵּר
מִשְׁפָּט. לא תּוֹרַת אֱלֹהָיו בְּלִבּוֹ;
לֹא תִמְעַד אֲשֻׁרָיו. לב צוֹפֶה רָשָׁע,
לַצַּדִּיק; וּמְבַקֵּשׁ, לַהֲמִיתוֹ. לג
יְהוָה, לֹא-יַעַזְבֶנּוּ בְיָדוֹ; וְלֹא
יַרְשִׁיעֶנּוּ, בְּהִשָּׁפְטוֹ. לד קַוֵּה
אֶל-יְהוָה, וּשְׁמֹר דַּרְכּוֹ, וִירוֹמִמְךָ,
לָרֶשֶׁת אָרֶץ;בְּהִכָּרֵת רְשָׁעִים תִּרְאֶה.
לה רָאִיתִי, רָשָׁע עָרִיץ; וּמִתְעָרֶה,
כְּאֶזְרָח רַעֲנָן. לו וַיַּעֲבֹר, וְהִנֵּה
אֵינֶנּוּ; וָאֲבַקְשֵׁהוּ, וְלֹא נִמְצָא.
לז שְׁמָר-תָּם, וּרְאֵה יָשָׁר: כִּי-אַחֲרִית
לְאִישׁ שָׁלוֹם. לח וּפֹשְׁעִים, נִשְׁמְדוּ
יַחְדָּו; אַחֲרִית רְשָׁעִים נִכְרָתָה.
לט וּתְשׁוּעַת צַדִּיקִים, מֵיְהוָה; מָעוּזָּם,
בְּעֵת צָרָה. מ וַיַּעְזְרֵם יְהוָה, וַיְפַלְּטֵם:
יְפַלְּטֵם מֵרְשָׁעִים, וְיוֹשִׁיעֵם--כִּי-חָסוּ
בוֹ.
|
Signification : Pour
une location
