40:1
lamnatsêach ledhâvidh mizmor
40:2
qavvoh qivviythiy Adonay.vayyêth 'êlay vayyishma` shav`âthiy
40:3
vayya`alêniy mibbor shâ'onmithiyth hayyâvên vayyâqem `al-sela` raghlay
konên 'ashurây
40:4
vayyittên bephiy shiyr châdhâsh tehillâh lê'lohêynu yir'u rabbiymveyiyrâ'u
veyibhthechu bayhvh
40:5
'ashrêy haggebher 'asher-sâm Adonaymibhthacho velo'-phânâh 'el-rehâbhiym
vesâthêy khâzâbh
40:6
rabboth `âsiythâ'attâh Adonay 'elohay niphle'otheykha umachshebhotheykha
'êlêynu'êyn `arokh 'êleykha 'aggiydhâh va'adhabbêrâh `âtsemu missappêr
40:7
zebhach uminchâh lo'-châphatstâ 'âzenayim kâriythâ liy `olâh vachathâ'âhlo'
shâ'âletâ
40:8
'âz 'âmartiy hinnêh-bhâ'thiy bimghillath-sêpher kâthubh`âlây
40:9
la`asoth-retsonekha 'elohay châphâtsetiy vethorâthekha bethokh mê`ây
40:10
bisartiy tsedheq beqâhâl robh hinnêh sephâthay lo' 'ekhlâ' Adonay'attâh
yâdhâ`tâ
40:11
tsidhqâthkha lo'-khissiythiy bethokh libbiy 'emunâthkhautheshu`âthkha
'âmârtiy lo'-khichadhtiy chasdekha va'amittekha leqâhâl robh
40:12
'attâh Adonay lo'-thikhlâ' rachameykha mimmenniy chasdekhava'amittekha
tâmiydh yitseruniy
40:13
kiy 'âphphu-`âlay râ`oth `adh-'êynmispâr hisiyghuniy `avonothay velo'-yâkholetiy
lir'oth `âtsmu misa`arothro'shiy velibbiy `azâbhâniy
40:14
retsêh Adonay lehatsiylêniyAdonay le`ezrâthiy chushâh
40:15
yêbhoshu veyachperu yachadh mebhaqshêynaphshiy lispothâh yissoghu 'âchor
veyikkâlmu chaphêtsêy râ`âthiy
40:16
yâshommu `al-`êqebh boshtâm hâ'omeriym liy he'âch he'âch
40:17
yâsiysuveyismechu bekha kol-mebhaqsheykha yo'mru thâmiydh yighdal Adonay'ohabhêy
teshu`âthekha
40:18
va'aniy `âniy ve'ebhyon 'adhonây yachashâbhliy `ezrâthiy umephalthiy
'attâh 'elohay 'al-te'achar |
 Tehilim
040
א לַמְנַצֵּחַ, לְדָוִד
מִזְמוֹר. ב קַוֹּה קִוִּיתִי יְהוָה; וַיֵּט
אֵלַי, וַיִּשְׁמַע שַׁוְעָתִי. ג וַיַּעֲלֵנִי,
מִבּוֹר שָׁאוֹן-- מִטִּיט הַיָּוֵן:וַיָּקֶם
עַל-סֶלַע רַגְלַי; כּוֹנֵן אֲשֻׁרָי. ד וַיִּתֵּן
בְּפִי, שִׁיר חָדָשׁ-- תְּהִלָּה לֵאלֹהֵינוּ:יִרְאוּ
רַבִּים וְיִירָאוּ; וְיִבְטְחוּ, בַּיהוָה.
ה אַשְׁרֵי הַגֶּבֶר-- אֲשֶׁר-שָׂם יְהוָה,
מִבְטַחוֹ;וְלֹא-פָנָה אֶל-רְהָבִים, וְשָׂטֵי
כָזָב. ו רַבּוֹת עָשִׂיתָ, אַתָּה יְהוָה
אֱלֹהַי--נִפְלְאֹתֶיךָ וּמַחְשְׁבֹתֶיךָ,
אֵלֵינוּ:אֵין, עֲרֹךְ אֵלֶיךָ--אַגִּידָה
וַאֲדַבֵּרָה; עָצְמוּ, מִסַּפֵּר. ז זֶבַח
וּמִנְחָה, לֹא-חָפַצְתָּ-- אָזְנַיִם, כָּרִיתָ
לִּי;עוֹלָה וַחֲטָאָה, לֹא שָׁאָלְתָּ.
ח אָז אָמַרְתִּי, הִנֵּה-בָאתִי: בִּמְגִלַּת-סֵפֶר,
כָּתוּב עָלָי. ט לַעֲשׂוֹת-רְצוֹנְךָ אֱלֹהַי
חָפָצְתִּי; וְתוֹרָתְךָ, בְּתוֹךְ מֵעָי.
י בִּשַּׂרְתִּי צֶדֶק, בְּקָהָל רָב-- הִנֵּה
שְׂפָתַי, לֹא אֶכְלָא:יְהוָה, אַתָּה יָדָעְתָּ.
יא צִדְקָתְךָ לֹא-כִסִּיתִי, בְּתוֹךְ לִבִּי--
אֱמוּנָתְךָ וּתְשׁוּעָתְךָ אָמָרְתִּי;לֹא-כִחַדְתִּי
חַסְדְּךָ וַאֲמִתְּךָ, לְקָהָל רָב. יב
אַתָּה יְהוָה-- לֹא-תִכְלָא רַחֲמֶיךָ מִמֶּנִּי;חַסְדְּךָ
וַאֲמִתְּךָ, תָּמִיד יִצְּרוּנִי. יג כִּי
אָפְפוּ-עָלַי רָעוֹת, עַד-אֵין מִסְפָּר--הִשִּׂיגוּנִי
עֲוֹנֹתַי, וְלֹא-יָכֹלְתִּי לִרְאוֹת;עָצְמוּ
מִשַּׂעֲרוֹת רֹאשִׁי, וְלִבִּי עֲזָבָנִי.
יד רְצֵה יְהוָה, לְהַצִּילֵנִי; יְהוָה,
לְעֶזְרָתִי חוּשָׁה. טו יֵבֹשׁוּ וְיַחְפְּרוּ,
יַחַד-- מְבַקְשֵׁי נַפְשִׁי, לִסְפּוֹתָהּ:יִסֹּגוּ
אָחוֹר, וְיִכָּלְמוּ-- חֲפֵצֵי, רָעָתִי.
טז יָשֹׁמּוּ, עַל-עֵקֶב בָּשְׁתָּם-- הָאֹמְרִים
לִי, הֶאָח הֶאָח. יז יָשִׂישׂוּ וְיִשְׂמְחוּ,
בְּךָ-- כָּל-מְבַקְשֶׁיךָ:יֹאמְרוּ תָמִיד,
יִגְדַּל יְהוָה-- אֹהֲבֵי, תְּשׁוּעָתֶךָ.
יח וַאֲנִי, עָנִי וְאֶבְיוֹן-- אֲדֹנָי יַחֲשָׁב-לִי:עֶזְרָתִי
וּמְפַלְטִי אַתָּה: אֱלֹהַי, אַל-תְּאַחַר.
|
Signification : Pour
échapper a un mauvais esprit
