62:1
lamnatsêach `al-yedhuthun mizmor ledhâvidh
62:2
'akh 'el-'elohiymdumiyyâh naphshiy mimmennu yeshu`âthiy
62:3
'akh-hu' tsuriy viyshu`âthiymisgabbiy lo'-'emmoth rabbâh
62:4
`adh-'ânâh tehothethu `al 'iysh terâtsechukhullekhem keqiyr nâthuy
gâdhêr haddechuyâh
62:5
'akh mise'êtho yâ`atsulehaddiyach yirtsu khâzâbh bephiyv yebhârêkhu
ubheqirbâm yeqalelu-selâh
62:6
'akh lê'lohiym dommiy naphshiy kiy-mimmennu tiqvâthiy
62:7
'akh-hu'tsuriy viyshu`âthiy misgabbiy lo' 'emmoth
62:8
`al-'elohiym yish`iyukhebhodhiy tsur-`uzziy machsiy bê'lohiym
62:9
bithchu bho bhekhol-`êth `âmshiphkhu-lephânâyv lebhabhkhem 'elohiym
machaseh-lânu selâh
62:10
'akhhebhel benêy-'âdhâm kâzâbh benêy 'iysh bemo'znayim la`aloth hêmmâhmêhebhel
yâchadh
62:11
'al-tibhthechu bhe`osheq ubheghâzêl 'al-tehbâlu chayilkiy-yânubh 'al-tâshiythu
lêbh
62:12
'achath dibber 'elohiym shetayim-zushâmâ`tiy kiy `oz lê'lohiym
62:13
ulekha-'adhonây châsedh kiy-'attâhtheshallêm le'iysh kema`asêhu |
 Tehilim
062
א לַמְנַצֵּחַ עַל-יְדוּתוּן--
מִזְמוֹר לְדָוִד. ב אַךְ אֶל-אֱלֹהִים, דּוּמִיָּה
נַפְשִׁי; מִמֶּנּוּ, יְשׁוּעָתִי. ג אַךְ-הוּא
צוּרִי, וִישׁוּעָתִי; מִשְׂגַּבִּי, לֹא-אֶמּוֹט
רַבָּה. ד עַד-אָנָה, תְּהוֹתְתוּ עַל-אִישׁ--
תְּרָצְּחוּ כֻלְּכֶם:כְּקִיר נָטוּי; גָּדֵר,
הַדְּחוּיָה. ה אַךְ מִשְּׂאֵתוֹ, יָעֲצוּ
לְהַדִּיחַ-- יִרְצוּ כָזָב:בְּפִיו יְבָרֵכוּ;
וּבְקִרְבָּם, יְקַלְלוּ-סֶלָה. ו אַךְ לֵאלֹהִים,
דּוֹמִּי נַפְשִׁי: כִּי-מִמֶּנּוּ, תִּקְוָתִי.
ז אַךְ-הוּא צוּרִי, וִישׁוּעָתִי; מִשְׂגַּבִּי,
לֹא אֶמּוֹט. ח עַל-אֱלֹהִים, יִשְׁעִי וּכְבוֹדִי;
צוּר-עֻזִּי מַחְסִי, בֵּאלֹהִים. ט בִּטְחוּ
בוֹ בְכָל-עֵת, עָם-- שִׁפְכוּ-לְפָנָיו לְבַבְכֶם;אֱלֹהִים
מַחֲסֶה-לָּנוּ סֶלָה. י אַךְ, הֶבֶל בְּנֵי-אָדָם--
כָּזָב בְּנֵי-אִישׁ:בְּמֹאזְנַיִם לַעֲלוֹת;
הֵמָּה, מֵהֶבֶל יָחַד. יא אַל-תִּבְטְחוּ
בְעֹשֶׁק, וּבְגָזֵל אַל-תֶּהְבָּלוּ:חַיִל
כִּי-יָנוּב-- אַל-תָּשִׁיתוּ לֵב. יב אַחַת,
דִּבֶּר אֱלֹהִים--שְׁתַּיִם-זוּ שָׁמָעְתִּי:
כִּי עֹז, לֵאלֹהִים. יג וּלְךָ-אֲדֹנָי חָסֶד:
כִּי-אַתָּה תְשַׁלֵּם לְאִישׁ כְּמַעֲשֵׂהוּ.
|
Signification : A
lire après les prières de Mih’ha et ‘Arvit
