66:1
lamnatsêach shiyr mizmor hâriy`u lê'lohiym kol-hâ'ârets
66:2
zammeru khebhodh-shemo siymu khâbhodh tehillâtho
66:3
'imru lê'lohiymmah-norâ' ma`aseykha berobh `uzzekha yekhachashu lekha
'oyebheykha
66:4
kol-hâ'ârets yishtachavu lekha viyzammeru-lâkh yezammeru shimkha selâh
66:5
lekhu ure'u miph`aloth 'elohiym norâ' `aliylâh `al-benêy 'âdhâm
66:6
hâphakh yâm leyabbâshâh bannâhâr ya`abhru bherâghel shâm nismechâh-bo
66:7
moshêl bighbhurâtho `olâm `êynâyv baggoyim titspeynâh hassoreriym'al-yâriymu
[yârumu] lâmo selâh
66:8
bârkhu `ammiym 'elohêynuvehashmiy`u qol tehillâtho
66:9
hasâm naphshênu bachayyiym velo'-nâthanlammoth raghlênu
66:10
kiy-bhechantânu 'elohiym tseraphtânu kitsrâph-kâseph
66:11
habhê'thânu bhammetsudhâh samtâ mu`âqâh bhemâthnêynu
66:12
hirkabhtâ'enosh lero'shênu bâ'nu-bhâ'êsh ubhammayim vattotsiy'ênu
lârvâyâh
66:13
'âbho' bhêythkha bhe`oloth 'ashallêm lekha nedhârây
66:14
'asher-pâtsu sephâthâyvedhibber-piy batsar-liy
66:15
`oloth mêchiym 'a`aleh-lâkh `im-qethoreth'êyliym 'e`eseh bhâqâr `im-`attudhiym
selâh
66:16
lekhu-shim`uva'asapperâh kol-yir'êy 'elohiym 'asher `âsâh lenaphshiy
66:17
'êlâyvpiy-qârâ'thiy veromam tachath leshoniy
66:18
'âven 'im-râ'iythiy bhelibbiylo' yishma` 'adhonây
66:19
'âkhên shâma` 'elohiym hiqshiybh beqol tephillâthiy
66:20
bârukh 'elohiym 'asher lo'-hêsiyr tephillâthiy vechasdo mê'ittiy
|
 Tehilim
066
א לַמְנַצֵּחַ, שִׁיר
מִזְמוֹר: הָרִיעוּ לֵאלֹהִים, כָּל-הָאָרֶץ.
ב זַמְּרוּ כְבוֹד-שְׁמוֹ; שִׂימוּ כָבוֹד,
תְּהִלָּתוֹ. ג אִמְרוּ לֵאלֹהִים, מַה-נּוֹרָא
מַעֲשֶׂיךָ; בְּרֹב עֻזְּךָ, יְכַחֲשׁוּ
לְךָ אֹיְבֶיךָ. ד כָּל-הָאָרֶץ, יִשְׁתַּחֲווּ
לְךָ--וִיזַמְּרוּ-לָךְ; יְזַמְּרוּ שִׁמְךָ
סֶלָה. ה לְכוּ וּרְאוּ, מִפְעֲלוֹת אֱלֹהִים;
נוֹרָא עֲלִילָה, עַל-בְּנֵי אָדָם. ו הָפַךְ
יָם, לְיַבָּשָׁה--בַּנָּהָר, יַעַבְרוּ
בְרָגֶל; שָׁם, נִשְׂמְחָה-בּוֹ. ז מֹשֵׁל
בִּגְבוּרָתוֹ, עוֹלָם-- עֵינָיו, בַּגּוֹיִם
תִּצְפֶּינָה;הַסּוֹרְרִים, אַל-ירימו (יָרוּמוּ)
לָמוֹ סֶלָה. ח בָּרְכוּ עַמִּים אֱלֹהֵינוּ;
וְהַשְׁמִיעוּ, קוֹל תְּהִלָּתוֹ. ט הַשָּׂם
נַפְשֵׁנוּ, בַּחַיִּים; וְלֹא-נָתַן לַמּוֹט
רַגְלֵנוּ. י כִּי-בְחַנְתָּנוּ אֱלֹהִים;
צְרַפְתָּנוּ, כִּצְרָף-כָּסֶף. יא הֲבֵאתָנוּ
בַמְּצוּדָה; שַׂמְתָּ מוּעָקָה בְמָתְנֵינוּ.
יב הִרְכַּבְתָּ אֱנוֹשׁ, לְרֹאשֵׁנוּ: בָּאנוּ-בָאֵשׁ
וּבַמַּיִם; וַתּוֹצִיאֵנוּ, לָרְוָיָה.
יג אָבוֹא בֵיתְךָ בְעוֹלוֹת; אֲשַׁלֵּם
לְךָ נְדָרָי. יד אֲשֶׁר-פָּצוּ שְׂפָתָי;
וְדִבֶּר-פִּי, בַּצַּר-לִי. טו עֹלוֹת מֵיחִים
אַעֲלֶה-לָּךְ, עִם-קְטֹרֶת אֵילִים;אֶעֱשֶׂה
בָקָר עִם-עַתּוּדִים סֶלָה. טז לְכוּ-שִׁמְעוּ
וַאֲסַפְּרָה, כָּל-יִרְאֵי אֱלֹהִים: אֲשֶׁר
עָשָׂה לְנַפְשִׁי. יז אֵלָיו פִּי-קָרָאתִי;
וְרוֹמַם, תַּחַת לְשׁוֹנִי. יח אָוֶן, אִם-רָאִיתִי
בְלִבִּי-- לֹא יִשְׁמַע אֲדֹנָי. יט אָכֵן,
שָׁמַע אֱלֹהִים; הִקְשִׁיב, בְּקוֹל תְּפִלָּתִי.
כ בָּרוּךְ אֱלֹהִים-- אֲשֶׁר לֹא-הֵסִיר
תְּפִלָּתִי וְחַסְדּוֹ, מֵאִתִּי.
|
Signification : Pour
un possédé du démon
