74:1
maskiyl le'âsâph lâmâh 'elohiym zânachtâ lânetsach ye`shan'appekha
betso'n mar`iythekha
74:2
zekhor `adhâthekha qâniythâ qedhem gâ'altâshêbheth nachalâthekha
har-tsiyyon zeh shâkhantâ bo
74:3
hâriymâh phe`âmeykhalemashu'oth netsach kol-hêra` 'oyêbh baqqodhesh
74:4
shâ'aghu tsorereykhabeqerebh mo`adhekha sâmu 'othothâm 'othoth
74:5
yivvâdha` kemêbhiy' lemâ`lâhbisabhâkh-`êts qardummoth
74:6
ve`êth [v][`attâh] pittucheyhâ yâchadhbekhashiyl vekhêylappoth yahalomun
74:7
shilchu bhâ'êsh miqdâshekha lâ'âretschillelu mishkan-shemekha
74:8
'âmru bhelibbâm niynâm yâchadh sârphu khol-mo`adhêy-'êl bâ'ârets
74:9
'othothêynu lo' râ'iynu 'êyn-`odh nâbhiy'velo'-'ittânu yodhêa` `adh-mâh
74:10
`adh-mâthay 'elohiym yechâreph tsâryenâ'êts 'oyêbh shimkha lânetsach
74:11
lâmmâh thâshiybh yâdhkha viymiynekhamiqqerebh choqekha [chêyqkha]
khallêh
74:12
vê'lohiym malkiy miqqedhempo`êl yeshu`oth beqerebh hâ'ârets
74:13
'attâh phorartâ bhe`âzzkha yâmshibbartâ râ'shêy thanniyniym `al-hammâyim
74:14
'attâh ritsatstâ râ'shêylivyâthân tittenennu ma'akhâl le`âm letsiyyiym
74:15
'attâh bhâqa`tâma`yân vânâchal 'attâh hobhashtâ naharoth 'êythân
74:16
lekha yom 'aph-lekhalâylâh 'attâh hakhiynothâ mâ'or vâshâmesh
74:17
'attâh hitsabhtâ kol-gebhuloth'ârets qayits vâchoreph 'attâh yetsartâm
74:18
zekhâr-zo'th 'oyêbh chêrêphAdonay ve`am nâbhâl ni'atsu shemekha
74:19
'al-tittên lechayyath nepheshtorekha chayyath `aniyyeykha 'al-tishkach
lânetsach
74:20
habbêth labberiythkiy mâl'u machashakkêy-'erets ne'oth châmâs
74:21
'al-yâshobh dakh nikhlâm`âniy ve'ebhyon yehalelu shemekha
74:22
qumâh 'elohiym riybhâh riybhekhazekhor cherpâthkha minniy-nâbhâl kol-hayyom
74:23
'al-tishkach qol.tsorereykha she'on qâmeykha `oleh thâmiydh |
 Tehilim
074
א מַשְׂכִּיל, לְאָסָף:לָמָה
אֱלֹהִים, זָנַחְתָּ לָנֶצַח; יֶעְשַׁן אַפְּךָ,
בְּצֹאן מַרְעִיתֶךָ. ב זְכֹר עֲדָתְךָ,
קָנִיתָ קֶּדֶם-- גָּאַלְתָּ, שֵׁבֶט נַחֲלָתֶךָ;הַר-צִיּוֹן,
זֶה שָׁכַנְתָּ בּוֹ. ג הָרִימָה פְעָמֶיךָ,
לְמַשֻּׁאוֹת נֶצַח; כָּל-הֵרַע אוֹיֵב בַּקֹּדֶשׁ.
ד שָׁאֲגוּ צֹרְרֶיךָ, בְּקֶרֶב מוֹעֲדֶךָ;
שָׂמוּ אוֹתֹתָם אֹתוֹת. ה יִוָּדַע, כְּמֵבִיא
לְמָעְלָה; בִּסְבָךְ-עֵץ, קַרְדֻּמּוֹת.
ו ועת (וְעַתָּה), פִּתּוּחֶיהָ יָּחַד-- בְּכַשִּׁיל
וְכֵילַפּוֹת, יַהֲלֹמוּן. ז שִׁלְחוּ בָאֵשׁ,
מִקְדָּשֶׁךָ; לָאָרֶץ, חִלְּלוּ מִשְׁכַּן-שְׁמֶךָ.
ח אָמְרוּ בְלִבָּם, נִינָם יָחַד; שָׂרְפוּ
כָל-מוֹעֲדֵי-אֵל בָּאָרֶץ. ט אוֹתֹתֵינוּ,
לֹא רָאִינוּ: אֵין-עוֹד נָבִיא; וְלֹא-אִתָּנוּ,
יֹדֵעַ עַד-מָה. י עַד-מָתַי אֱלֹהִים, יְחָרֶף
צָר; יְנָאֵץ אוֹיֵב שִׁמְךָ לָנֶצַח. יא
לָמָּה תָשִׁיב יָדְךָ, וִימִינֶךָ; מִקֶּרֶב
חוקך (חֵיקְךָ) כַלֵּה. יב וֵאלֹהִים, מַלְכִּי
מִקֶּדֶם; פֹּעֵל יְשׁוּעוֹת, בְּקֶרֶב הָאָרֶץ.
יג אַתָּה פוֹרַרְתָּ בְעָזְּךָ יָם; שִׁבַּרְתָּ
רָאשֵׁי תַנִּינִים, עַל-הַמָּיִם. יד אַתָּה
רִצַּצְתָּ, רָאשֵׁי לִוְיָתָן; תִּתְּנֶנּוּ
מַאֲכָל, לְעָם לְצִיִּים. טו אַתָּה בָקַעְתָּ,
מַעְיָן וָנָחַל; אַתָּה הוֹבַשְׁתָּ, נַהֲרוֹת
אֵיתָן. טז לְךָ יוֹם, אַף-לְךָ לָיְלָה; אַתָּה
הֲכִינוֹתָ, מָאוֹר וָשָׁמֶשׁ. יז אַתָּה
הִצַּבְתָּ, כָּל-גְּבוּלוֹת אָרֶץ; קַיִץ
וָחֹרֶף, אַתָּה יְצַרְתָּם. יח זְכָר-זֹאת--אוֹיֵב,
חֵרֵף יְהוָה; וְעַם נָבָל, נִאֲצוּ שְׁמֶךָ.
יט אַל-תִּתֵּן לְחַיַּת, נֶפֶשׁ תּוֹרֶךָ;
חַיַּת
עֲנִיֶּיךָ, אַל-תִּשְׁכַּח לָנֶצַח. כ הַבֵּט
לַבְּרִית: כִּי מָלְאוּ מַחֲשַׁכֵּי-אֶרֶץ,
נְאוֹת חָמָס. כא אַל-יָשֹׁב דַּךְ נִכְלָם;
עָנִי וְאֶבְיוֹן, יְהַלְלוּ שְׁמֶךָ. כב
קוּמָה אֱלֹהִים, רִיבָה רִיבֶךָ; זְכֹר
חֶרְפָּתְךָ מִנִּי-נָבָל, כָּל-הַיּוֹם.
כג אַל-תִּשְׁכַּח, קוֹל צֹרְרֶיךָ; שְׁאוֹן
קָמֶיךָ, עֹלֶה תָמִיד.
|
Signification : Si
vous craignez des ennemis
