80:1
lamnatsêach 'el-shoshanniym `êdhuth le'âsâph mizmor
80:2
ro`êhyisrâ'êl ha'aziynâh nohêgh katso'n yosêph yoshêbh hakkerubhiymhophiy`âh
80:3
liphnêy 'ephrayim ubhinyâmin umenasheh `orerâh 'eth-gebhurâthekha ulekhâh
liyshu`âthâh lânu
80:4
'elohiym hashiybhênu vehâ'êrpâneykha venivvâshê`âh
80:5
Adonay 'elohiym tsebhâ'oth `adh-mâthay`âshantâ bithphillath `ammekha
80:6
he'ekhaltâm lechem dim`âh vattashqêmobidhmâ`oth shâliysh
80:7
tesiymênu mâdhon lishkhênêynu ve'oyebhêynuyil`aghu-lâmo
80:8
'elohiym tsebhâ'oth hashiybhênu vehâ'êr pâneykhavenivvâshê`âh
80:9
gephen mimmitsrayim tassiya` teghârêsh goyimvattithâ`ehâ
80:10
pinniythâ lephâneyhâ vattashrêsh shârâsheyhâvattemallê'-'ârets
80:11
kâssu hâriym tsillâh va`anâpheyhâ 'arzêy-'êl
80:12
teshallach qetsiyrehâ `adh-yâm ve'el-nâhâr yoneqotheyhâ
80:13
lâmmâhpâratstâ ghedhêreyhâ ve'âruhâ kol-`obherêy dhârekh
80:14
yekharsemennâhchaziyr miyyâ`ar veziyz sâdhay yir`ennâh
80:15
'elohiym tsebhâ'oth shubh-nâ'habbêth mishâmayim ure'êh upheqodh gephen
zo'th
80:16
vekhannâh 'asher-nâth`âh yemiynekha ve`al-bên 'immatstâh lâkh
80:17
seruphâh bhâ'êsh kesuchâhmigga`arath pâneykha yo'bhêdhu
80:18
tehiy-yâdhkha `al-'iysh yemiynekha`al-ben-'âdhâm 'immatstâ lâkh
80:19
velo'-nâsogh mimmekhâ techayyênu.ubheshimkha niqrâ'
80:20
Adonay 'elohiym tsebhâ'oth hashiybhênu hâ'êrpâneykha venivvâshê`âh |
 Tehilim
080
א לַמְנַצֵּחַ אֶל-שֹׁשַׁנִּים;
עֵדוּת לְאָסָף מִזְמוֹר. ב רֹעֵה יִשְׂרָאֵל,
הַאֲזִינָה-- נֹהֵג כַּצֹּאן יוֹסֵף;יֹשֵׁב
הַכְּרוּבִים הוֹפִיעָה. ג לִפְנֵי אֶפְרַיִם,
וּבִנְיָמִן וּמְנַשֶּׁה-- עוֹרְרָה אֶת-גְּבוּרָתֶךָ;וּלְכָה
לִישֻׁעָתָה לָּנוּ. ד אֱלֹהִים הֲשִׁיבֵנוּ;
וְהָאֵר פָּנֶיךָ, וְנִוָּשֵׁעָה. ה יְהוָה
אֱלֹהִים צְבָאוֹת-- עַד-מָתַי עָשַׁנְתָּ,
בִּתְפִלַּת עַמֶּךָ. ו הֶאֱכַלְתָּם, לֶחֶם
דִּמְעָה; וַתַּשְׁקֵמוֹ, בִּדְמָעוֹת שָׁלִישׁ.
ז תְּשִׂימֵנוּ מָדוֹן, לִשְׁכֵנֵינוּ; וְאֹיְבֵינוּ,
יִלְעֲגוּ-לָמוֹ. ח אֱלֹהִים צְבָאוֹת הֲשִׁיבֵנוּ;
וְהָאֵר פָּנֶיךָ, וְנִוָּשֵׁעָה. ט גֶּפֶן,
מִמִּצְרַיִם תַּסִּיעַ; תְּגָרֵשׁ גּוֹיִם,
וַתִּטָּעֶהָ. י פִּנִּיתָ לְפָנֶיהָ; וַתַּשְׁרֵשׁ
שָׁרָשֶׁיהָ, וַתְּמַלֵּא-אָרֶץ. יא כָּסּוּ
הָרִים צִלָּהּ; וַעֲנָפֶיהָ, אַרְזֵי-אֵל.
יב תְּשַׁלַּח קְצִירֶהָ עַד-יָם; וְאֶל-נָהָר,
יוֹנְקוֹתֶיהָ. יג לָמָּה, פָּרַצְתָּ גְדֵרֶיהָ;
וְאָרוּהָ, כָּל-עֹבְרֵי דָרֶךְ. יד יְכַרְסְמֶנָּה
חֲזִיר מִיָּעַר; וְזִיז שָׂדַי יִרְעֶנָּה.
טו אֱלֹהִים צְבָאוֹת, שׁוּב-נָא:הַבֵּט
מִשָּׁמַיִם וּרְאֵה; וּפְקֹד, גֶּפֶן זֹאת.
טז וְכַנָּה, אֲשֶׁר-נָטְעָה יְמִינֶךָ;
וְעַל-בֵּן, אִמַּצְתָּה לָּךְ. יז שְׂרֻפָה
בָאֵשׁ כְּסוּחָה; מִגַּעֲרַת פָּנֶיךָ
יֹאבֵדוּ. יח תְּהִי-יָדְךָ, עַל-אִישׁ יְמִינֶךָ;
עַל-בֶּן-אָדָם, אִמַּצְתָּ לָּךְ. יט וְלֹא-נָסוֹג
מִמֶּךָּ; תְּחַיֵּנוּ, וּבְשִׁמְךָ נִקְרָא.
כ יְהוָה אֱלֹהִים צְבָאוֹת הֲשִׁיבֵנוּ;
הָאֵר פָּנֶיךָ, וְנִוָּשֵׁעָה.
|
Signification : Pour
se protéger de l’idolâtrie
