85:1
lamnatsêach libhnêy-qorach mizmor
85:2
râtsiythâ Adonay.'artsekha shabhtâ shebhuth [shebhiyth] ya`aqobh
85:3
nâsâ'thâ `avon `ammekhakissiythâ khol-chathâ'thâm selâh
85:4
'âsaphtâ khol-`ebhrâthekha heshiybhothâmêcharon 'appekha
85:5
shubhênu 'elohêy yish`ênu vehâphêr ka`askha`immânu
85:6
hal`olâm te'enaph-bânu timshokh 'appekha ledhor vâdhor
85:7
halo'-'attâh tâshubh techayyênu ve`ammekha yismechu-bhâkh
85:8
har'ênuAdonay chasdekha veyesh`akha titten-lânu
85:9
'eshme`âh mah-yedhabbêrhâ'êl Adonay kiy yedhabbêr shâlom 'el-`ammo
ve'el-chasiydhâyvve'al-yâshubhu lekhislâh
85:10
'akh qârobh liyrê'âyv yish`o lishkon kâbhodhbe'artsênu
85:11
chesedh-ve'emeth niphgâshu tsedheq veshâlom nâshâqu
85:12
'emeth mê'erets titsmâch vetsedheq mishâmayim nishqâph
85:13
gam-Adonay yittên hathobh ve'artsênu tittên yebhulâh
85:14
tsedheq lephânâyvyehallêkh veyâsêm ledherekh pe`âmâyv |
 Tehilim
085
א לַמְנַצֵּחַ לִבְנֵי-קֹרַח
מִזְמוֹר. ב רָצִיתָ יְהוָה אַרְצֶךָ; שַׁבְתָּ,
שבות (שְׁבִית) יַעֲקֹב. ג נָשָׂאתָ, עֲוֹן
עַמֶּךָ; כִּסִּיתָ כָל-חַטָּאתָם סֶלָה.
ד אָסַפְתָּ כָל-עֶבְרָתֶךָ; הֱשִׁיבוֹתָ,
מֵחֲרוֹן אַפֶּךָ. ה שׁוּבֵנוּ, אֱלֹהֵי
יִשְׁעֵנוּ; וְהָפֵר כַּעַסְךָ עִמָּנוּ.
ו הַלְעוֹלָם תֶּאֱנַף-בָּנוּ; תִּמְשֹׁךְ
אַפְּךָ, לְדֹר וָדֹר. ז הֲלֹא-אַתָּה, תָּשׁוּב
תְּחַיֵּנוּ; וְעַמְּךָ, יִשְׂמְחוּ-בָךְ.
ח הַרְאֵנוּ יְהוָה חַסְדֶּךָ; וְיֶשְׁעֲךָ,
תִּתֶּן-לָנוּ. ט אֶשְׁמְעָה-- מַה-יְדַבֵּר,
הָאֵל יְהוָה:כִּי, יְדַבֵּר שָׁלוֹם--אֶל-עַמּוֹ
וְאֶל-חֲסִידָיו; וְאַל-יָשׁוּבוּ לְכִסְלָה.
י אַךְ קָרוֹב לִירֵאָיו יִשְׁעוֹ; לִשְׁכֹּן
כָּבוֹד בְּאַרְצֵנוּ. יא חֶסֶד-וֶאֱמֶת
נִפְגָּשׁוּ; צֶדֶק וְשָׁלוֹם נָשָׁקוּ.
יב אֱמֶת, מֵאֶרֶץ תִּצְמָח; וְצֶדֶק, מִשָּׁמַיִם
נִשְׁקָף. יג גַּם-יְהוָה, יִתֵּן הַטּוֹב;
וְאַרְצֵנוּ, תִּתֵּן יְבוּלָהּ. יד צֶדֶק,
לְפָנָיו יְהַלֵּךְ; וְיָשֵׂם לְדֶרֶךְ
פְּעָמָיו.
|
Signification : Pour
contenter un ami
