89:1
maskiyl le'êythân hâ'ezrâchiy
89:2
chasdhêy Adonay `olâm'âshiyrâh ledhor vâdhor 'odhiya` 'emunâthekha
bephiy
89:3
kiy-'âmartiy `olâm.chesedh yibbâneh shâmayim tâkhin 'emunâthekha
bhâhem
89:4
kârattiy bheriythlibhchiyriy nishba`tiy ledhâvidh `abhdiy
89:5
`adh-`olâm 'âkhiyn zar`ekhaubhâniythiy ledhor-vâdhor kis'akha selâh
89:6
veyodhu shâmayim pil'akhaAdo-nay 'aph-'emunâthekha biqhal qedhoshiym
89:7
kiy miy bhashachaqya`arokh layhvh yidhmeh layhvh bibhnêy 'êliym
89:8
'êl na`arâtsbesodh-qedhoshiym rabbâh venorâ' `al-kâl-sebhiybhâyv
89:9
Adonay'elohêy tsebhâ'oth miy-khâmokha chasiyn yâh ve'emunâthekhasebhiybhotheykha
89:10
'attâh moshêl beghê'uth hayyâm beso' ghallâyv 'attâhtheshabbechêm
89:11
'attâh dhikki'thâ khechâlâl râhabh bizroa` `uzzekha pizzartâ'oyebheykha
89:12
lekha shâmayim 'aph-lekha 'ârets têbhêl umelo'âh 'attâhyesadhtâm
89:13
tsâphon veyâmiyn 'attâh bherâ'thâm tâbhor vechermonbeshimkha yerannênu
89:14
lekha zeroa` `im-gebhurâh tâ`oz yâdhekha târumyemiynekha
89:15
tsedheq umishpâth mekhon kis'ekha chesedh ve'emethyeqaddemu phâneykha
89:16
'ashrêy hâ`âm yodhe`êy theru`âh Adonaybe'or-pâneykha yehallêkhun
89:17
beshimkha yeghiylun kol-hayyomubhetsidhqâthkha yârumu
89:18
kiy-thiph'ereth `uzzâmo 'âttâh ubhirtsonekhatâriym [târum] qarnênu
89:19
kiy layhvh mâghinnênu veliqdhosh yisrâ'êlmalkênu
89:20
'âz dibbartâ-bhechâzon lachasiydheykha vatto'mer shivviythiy`êzer `al-gibbor
hariymothiy bhâchur mê`âm
89:21
mâtsâ'thiy dâvidh `abhdiybeshemen qodhshiy meshachtiyv
89:22
'asher yâdhiy tikkon `immo 'aph-zero`iythe'ammetsennu
89:23
lo'-yashi' 'oyêbh bo ubhen-`avlâh lo' ye`annennu
89:24
vekhattothiy mippânâyv tsârâyv umesan'âyv 'eggoph
89:25
ve'emunâthiy vechasdiy `immo ubhishmiy târum qarno
89:26
vesamtiybhayyâm yâdho ubhannehâroth yemiyno
89:27
hu' yiqrâ'êniy 'âbhiy 'âttâh'êliy vetsur yeshu`âthiy
89:28
'aph-'âniy bekhor 'ettenêhu `elyonlemalkhêy-'ârets
89:29
le`olâm 'eshmor-['eshmâr]-lo chasdiy ubheriythiyne'emeneth lo
89:30
vesamtiy lâ`adh zar`o vekhis'o kiymêy shâmâyim
89:31
'im-ya`azbhu bhânâyv torâthiy ubhemishpâthay lo' yêlêkhun
89:32
'im-chuqqothay yechallêlu umitsvothay lo' yishmoru
89:33
uphâqadhtiy bheshêbhethpish`âm ubhinghâ`iym `avonâm
89:34
vechasdiy lo'-'âphiyr mê`immovelo'-'ashaqqêr be'emunâthiy
89:35
lo'-'achallêl beriythiy umotsâ' sephâthaylo' 'ashanneh
89:36
'achath nishba`tiy bheqodhshiy 'im-ledhâvidh 'akhazzêbh
89:37
zar`o le`olâm yihyeh vekhis'o khashemesh neghdiy
89:38
keyârêach yikkon`olâm ve`êdh bashachaq ne'emân selâh
89:39
ve'attâh zânachtâ vattim'âshith`abbartâ `im-meshiychekha
89:40
nê'artâh beriyth `abhdekha chillaltâlâ'ârets nizro
89:41
pâratstâ khol-gedhêrothâyv samtâ mibhtsârâyv mechittâh
89:42
shassuhu kol-`obherêy dhârekh hâyâh cherpâh lishkhênâyv
89:43
hariymothâyemiyn tsârâyv hismachtâ kol-'oyebhâyv
89:44
'aph-tâshiybh tsur charbovelo' haqêymotho bammilchâmâh
89:45
hishbatâ mithehâro vekhis'o lâ'âretsmiggartâh
89:46
hiqtsartâ yemêy `alumâyv he`ethiythâ `âlâyv bushâhselâh
89:47
`adh-mâh Ado-nay tissâthêr lânetsach tibh`ar kemo-'êshchamâthekha
89:48
zekhâr-'aniy meh-châledh `al-mah-shâv' bârâ'thâ khol-benêy-'âdhâm
89:49
miy ghebher yichyeh velo' yir'eh-mâveth yemallêthnaphsho miyyadh-she'ol
selâh
89:50
'ayyêh chasâdheykha hâri'shoniym'ado-nây nishba`tâ ledhâvidh be'emunâthekha
89:51
zekhor 'adhonây cherpath`abhâdheykha se'êthiy bhechêyqiy kol-rabbiym
`ammiym
89:52
'asher chêrephu'oyebheykha Adonay 'asher chêrephu `iqqebhoth meshiychekha
89:53
bârukh Ado-nay le`olâm 'âmên ve'âmên |
 Tehilim
089
א מַשְׂכִּיל, לְאֵיתָן
הָאֶזְרָחִי. ב חַסְדֵי יְהוָה, עוֹלָם אָשִׁירָה;
לְדֹר וָדֹר, אוֹדִיעַ אֱמוּנָתְךָ בְּפִי.
ג כִּי-אָמַרְתִּי--עוֹלָם, חֶסֶד יִבָּנֶה;
שָׁמַיִם, תָּכִן אֱמוּנָתְךָ בָהֶם. ד כָּרַתִּי
בְרִית, לִבְחִירִי; נִשְׁבַּעְתִּי, לְדָוִד
עַבְדִּי. ה עַד-עוֹלָם, אָכִין זַרְעֶךָ;
וּבָנִיתִי לְדֹר-וָדוֹר כִּסְאֲךָ סֶלָה.
ו וְיוֹדוּ שָׁמַיִם פִּלְאֲךָ יְהוָה; אַף-אֱמוּנָתְךָ,
בִּקְהַל קְדֹשִׁים. ז כִּי מִי בַשַּׁחַק,
יַעֲרֹךְ לַיהוָה; יִדְמֶה לַיהוָה, בִּבְנֵי
אֵלִים. ח אֵל נַעֲרָץ, בְּסוֹד-קְדֹשִׁים
רַבָּה; וְנוֹרָא, עַל-כָּל-סְבִיבָיו. ט
יְהוָה, אֱלֹהֵי צְבָאוֹת--מִי-כָמוֹךָ חֲסִין
יָהּ; וֶאֱמוּנָתְךָ, סְבִיבוֹתֶיךָ. י אַתָּה
מוֹשֵׁל, בְּגֵאוּת הַיָּם; בְּשׂוֹא גַלָּיו,
אַתָּה תְשַׁבְּחֵם. יא אַתָּה דִכִּאתָ
כֶחָלָל רָהַב; בִּזְרוֹעַ עֻזְּךָ, פִּזַּרְתָּ
אוֹיְבֶיךָ. יב לְךָ שָׁמַיִם, אַף-לְךָ אָרֶץ;
תֵּבֵל וּמְלֹאָהּ, אַתָּה יְסַדְתָּם. יג
צָפוֹן וְיָמִין, אַתָּה בְרָאתָם; תָּבוֹר
וְחֶרְמוֹן, בְּשִׁמְךָ יְרַנֵּנוּ. יד לְךָ
זְרוֹעַ, עִם-גְּבוּרָה; תָּעֹז יָדְךָ, תָּרוּם
יְמִינֶךָ. טו צֶדֶק וּמִשְׁפָּט, מְכוֹן
כִּסְאֶךָ; חֶסֶד וֶאֱמֶת, יְקַדְּמוּ פָנֶיךָ.
טז אַשְׁרֵי הָעָם, יֹדְעֵי תְרוּעָה; יְהוָה,
בְּאוֹר-פָּנֶיךָ יְהַלֵּכוּן. יז בְּשִׁמְךָ,
יְגִילוּן כָּל-הַיּוֹם; וּבְצִדְקָתְךָ
יָרוּמוּ. יח כִּי-תִפְאֶרֶת עֻזָּמוֹ אָתָּה;
וּבִרְצוֹנְךָ, תרים (תָּרוּם) קַרְנֵינוּ.
יט כִּי לַיהוָה, מָגִנֵּנוּ; וְלִקְדוֹשׁ
יִשְׂרָאֵל מַלְכֵּנוּ. כ אָז דִּבַּרְתָּ
בְחָזוֹן, לַחֲסִידֶיךָ-- וַתֹּאמֶר, שִׁוִּיתִי
עֵזֶר עַל-גִּבּוֹר;הֲרִימוֹתִי בָחוּר
מֵעָם. כא מָצָאתִי, דָּוִד עַבְדִּי; בְּשֶׁמֶן
קָדְשִׁי מְשַׁחְתִּיו. כב אֲשֶׁר יָדִי,
תִּכּוֹן עִמּוֹ; אַף-זְרוֹעִי תְאַמְּצֶנּוּ.
כג לֹא-יַשִּׁיא אוֹיֵב בּוֹ; וּבֶן-עַוְלָה,
לֹא יְעַנֶּנּוּ. כד וְכַתּוֹתִי מִפָּנָיו
צָרָיו; וּמְשַׂנְאָיו אֶגּוֹף. כה וֶאֱמוּנָתִי
וְחַסְדִּי עִמּוֹ; וּבִשְׁמִי, תָּרוּם
קַרְנוֹ. כו וְשַׂמְתִּי בַיָּם יָדוֹ; וּבַנְּהָרוֹת
יְמִינוֹ. כז הוּא יִקְרָאֵנִי, אָבִי אָתָּה;
אֵלִי, וְצוּר יְשׁוּעָתִי. כח אַף-אָנִי,
בְּכוֹר אֶתְּנֵהוּ; עֶלְיוֹן, לְמַלְכֵי-אָרֶץ.
כט לְעוֹלָם, אשמור- (אֶשְׁמָר-) לוֹ חַסְדִּי;
וּבְרִיתִי, נֶאֱמֶנֶת לוֹ. ל וְשַׂמְתִּי
לָעַד זַרְעוֹ; וְכִסְאוֹ, כִּימֵי שָׁמָיִם.
לא אִם-יַעַזְבוּ בָנָיו, תּוֹרָתִי; וּבְמִשְׁפָּטַי,
לֹא יֵלֵכוּן. לב אִם-חֻקֹּתַי יְחַלֵּלוּ;
וּמִצְוֹתַי, לֹא יִשְׁמֹרוּ. לג וּפָקַדְתִּי
בְשֵׁבֶט פִּשְׁעָם; וּבִנְגָעִים עֲוֹנָם.
לד וְחַסְדִּי, לֹא-אָפִיר מֵעִמּוֹ; וְלֹא-אֲשַׁקֵּר,
בֶּאֱמוּנָתִי. לה לֹא-אֲחַלֵּל בְּרִיתִי;
וּמוֹצָא שְׂפָתַי, לֹא אֲשַׁנֶּה. לו אַחַת,
נִשְׁבַּעְתִּי בְקָדְשִׁי: אִם-לְדָוִד
אֲכַזֵּב. לז זַרְעוֹ, לְעוֹלָם יִהְיֶה;
וְכִסְאוֹ כַשֶּׁמֶשׁ נֶגְדִּי. לח כְּיָרֵחַ,
יִכּוֹן עוֹלָם; וְעֵד בַּשַּׁחַק, נֶאֱמָן
סֶלָה. לט וְאַתָּה זָנַחְתָּ, וַתִּמְאָס;
הִתְעַבַּרְתָּ, עִם-מְשִׁיחֶךָ. מ נֵאַרְתָּה,
בְּרִית עַבְדֶּךָ; חִלַּלְתָּ לָאָרֶץ
נִזְרוֹ. מא פָּרַצְתָּ כָל-גְּדֵרֹתָיו;
שַׂמְתָּ מִבְצָרָיו מְחִתָּה. מב שַׁסֻּהוּ,
כָּל-עֹבְרֵי דָרֶךְ; הָיָה חֶרְפָּה, לִשְׁכֵנָיו.
מג הֲרִימוֹתָ, יְמִין צָרָיו; הִשְׂמַחְתָּ,
כָּל-אוֹיְבָיו. מד אַף-תָּשִׁיב, צוּר חַרְבּוֹ;
וְלֹא הֲקֵימֹתוֹ, בַּמִּלְחָמָה. מה הִשְׁבַּתָּ
מִטְּהָרוֹ; וְכִסְאוֹ, לָאָרֶץ מִגַּרְתָּה.
מו הִקְצַרְתָּ, יְמֵי עֲלוּמָיו; הֶעֱטִיתָ
עָלָיו בּוּשָׁה סֶלָה. מז עַד-מָה יְהוָה,
תִּסָּתֵר לָנֶצַח; תִּבְעַר כְּמוֹ-אֵשׁ
חֲמָתֶךָ. מח זְכָר-אֲנִי מֶה-חָלֶד; עַל-מַה-שָּׁוְא,
בָּרָאתָ כָל-בְּנֵי-אָדָם. מט מִי גֶבֶר
יִחְיֶה, וְלֹא יִרְאֶה-מָּוֶת; יְמַלֵּט
נַפְשׁוֹ מִיַּד-שְׁאוֹל סֶלָה. נ אַיֵּה,
חֲסָדֶיךָ הָרִאשֹׁנִים אֲדֹנָי: נִשְׁבַּעְתָּ
לְדָוִד, בֶּאֱמוּנָתֶךָ. נא זְכֹר אֲדֹנָי,
חֶרְפַּת עֲבָדֶיךָ; שְׂאֵתִי בְחֵיקִי,
כָּל-רַבִּים עַמִּים. נב אֲשֶׁר חֵרְפוּ
אוֹיְבֶיךָ יְהוָה: אֲשֶׁר חֵרְפוּ, עִקְּבוֹת
מְשִׁיחֶךָ. נג בָּרוּךְ יְהוָה לְעוֹלָם:
אָמֵן וְאָמֵן.
|
Signification : Pour
celui qui perd ses membres
