46:1
lamnatsêach libhnêy-qorach `al-`alâmoth shiyr
46:2
'elohiymlânu machaseh vâ`oz `ezrâh bhetsâroth nimtsâ' me'odh
46:3
`al-kên lo'-niyrâ' behâmiyr 'ârets ubhemoth hâriym belêbh yammiym
46:4
yehemuyechmeru mêymâyv yir`ashu-hâriym begha'avâtho selâh
46:5
nâhârpelâghâyv yesammechu `iyr-'elohiym qedhosh mishkenêy `elyon
46:6
'elohiym beqirbâh bal-timmoth ya`zerehâ 'elohiym liphnoth boqer
46:7
hâmu ghoyim mâthu mamlâkhoth nâthan beqolo tâmugh 'ârets
46:8
Adonaytsebhâ'oth `immânu misgâbh-lânu 'elohêy ya`aqobh selâh
46:9
lekhu-chazumiph`aloth Adonay 'asher-sâm shammoth bâ'ârets
46:10
mashbiythmilchâmoth `adh-qetsêh hâ'ârets qesheth yeshabbêr veqitsêts
chaniyth `aghâlothyisroph bâ'êsh
46:11
harpu udhe`u kiy-'ânokhiy 'elohiym 'ârum baggoyim'ârum bâ'ârets
46:12
Adonay tsebhâ'oth `immânu misgâbh-lânu 'elohêy.ya`aqobh selâh |
 Tehilim
046
א לַמְנַצֵּחַ לִבְנֵי-קֹרַח--
עַל-עֲלָמוֹת שִׁיר. ב אֱלֹהִים לָנוּ, מַחֲסֶה
וָעֹז; עֶזְרָה בְצָרוֹת, נִמְצָא מְאֹד.
ג עַל-כֵּן לֹא-נִירָא, בְּהָמִיר אָרֶץ;
וּבְמוֹט הָרִים, בְּלֵב יַמִּים. ד יֶהֱמוּ
יֶחְמְרוּ מֵימָיו; יִרְעֲשׁוּ הָרִים בְּגַאֲוָתוֹ
סֶלָה. ה נָהָר--פְּלָגָיו, יְשַׂמְּחוּ עִיר-אֱלֹהִים;
קְדֹשׁ, מִשְׁכְּנֵי עֶלְיוֹן. ו אֱלֹהִים
בְּקִרְבָּהּ, בַּל-תִּמּוֹט; יַעְזְרֶהָ
אֱלֹהִים, לִפְנוֹת בֹּקֶר. ז הָמוּ גוֹיִם,
מָטוּ מַמְלָכוֹת; נָתַן בְּקוֹלוֹ, תָּמוּג
אָרֶץ. ח יְהוָה צְבָאוֹת עִמָּנוּ; מִשְׂגָּב-לָנוּ
אֱלֹהֵי יַעֲקֹב סֶלָה. ט לְכוּ-חֲזוּ, מִפְעֲלוֹת
יְהוָה-- אֲשֶׁר-שָׂם שַׁמּוֹת בָּאָרֶץ.
י מַשְׁבִּית מִלְחָמוֹת, עַד-קְצֵה הָאָרֶץ:קֶשֶׁת
יְשַׁבֵּר, וְקִצֵּץ חֲנִית; עֲגָלוֹת, יִשְׂרֹף
בָּאֵשׁ. יא הַרְפּוּ וּדְעוּ, כִּי-אָנֹכִי
אֱלֹהִים; אָרוּם בַּגּוֹיִם, אָרוּם בָּאָרֶץ.
יב יְהוָה צְבָאוֹת עִמָּנוּ; מִשְׂגָּב-לָנוּ
אֱלֹהֵי יַעֲקֹב סֶלָה.
|
Signification : Si
un homme hait sa femme
