49:1
lamnatsêach libhnêy-qorach mizmor
49:2
shim`u-zo'th kol-hâ`ammiym ha'aziynu kol-yoshebhêy châledh
49:3
gam-benêy 'âdhâm gam-benêy-'iysh yachadh `âshiyr ve'ebhyon
49:4
piy yedhabbêr châkhmoth vehâghuthlibbiy thebhunoth
49:5
'atheh lemâshâl 'âzniy 'ephtach bekhinnor chiydhâthiy
49:6
lâmmâh 'iyrâ' biymêy râ` `avon `aqêbhay yesubbêniy
49:7
habbothechiym`al-chêylâm ubherobh `âshrâm yithhallâlu
49:8
'âch lo'-phâdhoh yiphdeh 'iyshlo'-yittên lê'lohiym kophro
49:9
veyêqar pidhyon naphshâm vechâdhalle`olâm
49:10
viychiy-`odh lânetsach lo' yir'eh hashâchath
49:11
kiy yir'ehchakhâmiym yâmuthu yachadh kesiyl vâbha`ar yo'bhêdhu ve`âzbhula'achêriym
chêylâm
49:12
qirbâm bâttêymo le`olâm mishkenothâm ledhorvâdhor qâr'u bhishmothâm
`alêy 'adhâmoth
49:13
ve'âdhâm biyqâr bal-yâliynnimshal kabbehêmoth nidhmu
49:14
zeh dharkâm kêsel lâmo ve'acharêyhembephiyhem yirtsu selâh
49:15
katso'n lish'ol shattu mâveth yir`êm vayyirdubhâm yeshâriym labboqer
vetsiyrâm [v][tsurâm] lebhalloth she'ol mizzebhullo
49:16
'akh-'elohiym yiphdeh naphshiy miyyadh-she'ol kiy yiqqâchêniyselâh
49:17
'al-tiyrâ' kiy-ya`ashir 'iysh kiy-yirbeh kebhodh bêytho
49:18
kiylo' bhemotho yiqqach hakkol lo'-yêrêdh 'acharâyv kebhodho
49:19
kiy-naphshobechayyâyv yebhârêkh veyodhukha kiy-thêythiybh lâkh
49:20
tâbho' `adh-dor'abhothâyv `adh-nêtsach lo' yir'u-'or
49:21
'âdhâm biyqâr velo' yâbhiynnimshal kabbehêmoth nidhmu |
 Tehilim
049
א לַמְנַצֵּחַ לִבְנֵי-קֹרַח
מִזְמוֹר. ב שִׁמְעוּ-זֹאת, כָּל-הָעַמִּים;
הַאֲזִינוּ, כָּל-יֹשְׁבֵי חָלֶד. ג גַּם-בְּנֵי
אָדָם, גַּם-בְּנֵי-אִישׁ-- יַחַד, עָשִׁיר
וְאֶבְיוֹן. ד פִּי, יְדַבֵּר חָכְמוֹת; וְהָגוּת
לִבִּי תְבוּנוֹת. ה אַטֶּה לְמָשָׁל אָזְנִי;
אֶפְתַּח בְּכִנּוֹר, חִידָתִי. ו לָמָּה
אִירָא, בִּימֵי רָע-- עֲוֹן עֲקֵבַי יְסוּבֵּנִי.
ז הַבֹּטְחִים עַל-חֵילָם; וּבְרֹב עָשְׁרָם
יִתְהַלָּלוּ. ח אָח--לֹא פָדֹה יִפְדֶּה
אִישׁ; לֹא-יִתֵּן לֵאלֹהִים כָּפְרוֹ. ט
וְיֵקַר, פִּדְיוֹן נַפְשָׁם; וְחָדַל לְעוֹלָם.
י וִיחִי-עוֹד לָנֶצַח; לֹא יִרְאֶה הַשָּׁחַת.
יא כִּי יִרְאֶה, חֲכָמִים יָמוּתוּ-- יַחַד
כְּסִיל וָבַעַר יֹאבֵדוּ;וְעָזְבוּ לַאֲחֵרִים
חֵילָם. יב קִרְבָּם בָּתֵּימוֹ, לְעוֹלָם--
מִשְׁכְּנֹתָם, לְדוֹר וָדֹר;קָרְאוּ בִשְׁמוֹתָם,
עֲלֵי אֲדָמוֹת. יג וְאָדָם בִּיקָר, בַּל-יָלִין;
נִמְשַׁל כַּבְּהֵמוֹת נִדְמוּ. יד זֶה דַרְכָּם,
כֵּסֶל לָמוֹ; וְאַחֲרֵיהֶם, בְּפִיהֶם יִרְצוּ
סֶלָה. טו כַּצֹּאן, לִשְׁאוֹל שַׁתּוּ--
מָוֶת יִרְעֵם:וַיִּרְדּוּ בָם יְשָׁרִים,
לַבֹּקֶר--וצירם (וְצוּרָם), לְבַלּוֹת שְׁאוֹל;
מִזְּבֻל לוֹ. טז אַךְ-אֱלֹהִים--יִפְדֶּה
נַפְשִׁי, מִיַּד-שְׁאוֹל: כִּי יִקָּחֵנִי
סֶלָה. יז אַל-תִּירָא, כִּי-יַעֲשִׁר אִישׁ:
כִּי-יִרְבֶּה, כְּבוֹד בֵּיתוֹ. יח כִּי
לֹא בְמוֹתוֹ, יִקַּח הַכֹּל; לֹא-יֵרֵד אַחֲרָיו
כְּבוֹדוֹ. יט כִּי-נַפְשׁוֹ, בְּחַיָּיו
יְבָרֵךְ; וְיוֹדֻךָ, כִּי-תֵיטִיב לָךְ.
כ תָּבוֹא, עַד-דּוֹר אֲבוֹתָיו; עַד-נֵצַח,
לֹא יִרְאוּ-אוֹר. כא אָדָם בִּיקָר, וְלֹא
יָבִין; נִמְשַׁל כַּבְּהֵמוֹת נִדְמוּ.
|
Signification : Contre la fièvre.
