50:1 mizmor le'âsâph 'êl 'elohiym Adonay dibbervayyiqrâ'-'ârets
mimmizrach-shemesh `adh-mebho'o
50:2 mitsiyyon mikhlal-yophiy 'elohiym hophiya`
50:3 yâbho' 'elohêynu ve'al-yecherash 'êsh-lephânâyv
to'khêl usebhiybhâyv nis`arâh me'odh
50:4 yiqrâ' 'el-hashâmayimmê`âl ve'el-hâ'ârets
lâdhiyn `ammo
50:5 'isphu-liy chasiydhây korethêybheriythiy
`alêy-zâbhach
50:6 vayyaggiydhu shâmayim tsidhqo kiy-'elohiymshophêth
hu' selâh
50:7 shim`âh `ammiy va'adhabbêrâh yisrâ'êl
ve'â`iydhâhbâkh 'elohiym 'eloheykha 'ânokhiy
50:8 lo' `al-zebhâcheykha 'okhiychekhave`olotheykha
leneghdiy thâmiydh
50:9 lo'-'eqqach mibbêythkha phârmimmikhle'otheykha
`attudhiym
50:10 kiy-liy khol-chaytho-yâ`ar behêmothbeharerêy-'âleph
50:11 yâdha`tiy kol-`oph hâriym veziyz sâdhay
`immâdhiy
50:12 'im-'er`abh lo'-'omar lâkh kiy-liy thêbhêl
umelo'âh
50:13 ha'okhalbesar 'abbiyriym vedham `attudhiym
'eshteh
50:14 zebhach lê'lohiym todhâhveshallêm
le`elyon nedhâreykha
50:15 uqerâ'êniy beyom tsârâh 'achalletskhauthekhabbedhêniy
50:16 velârâshâ` 'âmar 'elohiym mah-lekha
lesappêr.chuqqây vattisâ' bheriythiy `alêy-phiykha
50:17 ve'attâh sânê'thâ musârvattashlêkh
debhâray 'achareykha
50:18 'im-râ'iythâ ghannâbh vattirets `immove`im
menâ'aphiym chelqekha
50:19 piykha shâlachtâ bherâ`âh uleshonekhatatsmiydh
mirmâh
50:20 têshêbh be'âchiykha thedhabbêr bebhen-'immekha
titten-dophiy
50:21 'êlleh `âsiythâ vehecherashtiy dimmiythâ
heyoth-'ehyehkhâmokha 'okhiychakha ve'e`erkhâh le`êyneykha
50:22 biynu-nâ' zo'th shokhechêy'eloah pen-'ethroph
ve'êyn matsiyl
50:23 zobhêach todhâh yekhabbedhânniyvesâm
derekh 'ar'ennu beyêsha` 'elohiym |
 Tehilim
050
א מִזְמוֹר, לְאָסָף:אֵל,
אֱלֹהִים יְהוָה-- דִּבֶּר וַיִּקְרָא-אָרֶץ;מִמִּזְרַח-שֶׁמֶשׁ,
עַד-מְבֹאוֹ. ב מִצִּיּוֹן מִכְלַל-יֹפִי--
אֱלֹהִים הוֹפִיעַ. ג יָבֹא אֱלֹהֵינוּ,
וְאַל-יֶחֱרַשׁ:אֵשׁ-לְפָנָיו תֹּאכֵל; וּסְבִיבָיו,
נִשְׂעֲרָה מְאֹד. ד יִקְרָא אֶל-הַשָּׁמַיִם
מֵעָל; וְאֶל-הָאָרֶץ, לָדִין עַמּוֹ. ה אִסְפוּ-לִי
חֲסִידָי-- כֹּרְתֵי בְרִיתִי עֲלֵי-זָבַח.
ו וַיַּגִּידוּ שָׁמַיִם צִדְקוֹ: כִּי-אֱלֹהִים,
שֹׁפֵט הוּא סֶלָה. ז שִׁמְעָה עַמִּי, וַאֲדַבֵּרָה--
יִשְׂרָאֵל, וְאָעִידָה בָּךְ:אֱלֹהִים
אֱלֹהֶיךָ אָנֹכִי. ח לֹא עַל-זְבָחֶיךָ,
אוֹכִיחֶךָ; וְעוֹלֹתֶיךָ לְנֶגְדִּי תָמִיד.
ט לֹא-אֶקַּח מִבֵּיתְךָ פָר; מִמִּכְלְאֹתֶיךָ,
עַתּוּדִים. י כִּי-לִי כָל-חַיְתוֹ-יָעַר;
בְּהֵמוֹת, בְּהַרְרֵי-אָלֶף. יא יָדַעְתִּי,
כָּל-עוֹף הָרִים; וְזִיז שָׂדַי, עִמָּדִי.
יב אִם-אֶרְעַב, לֹא-אֹמַר לָךְ: כִּי-לִי
תֵבֵל, וּמְלֹאָהּ. יג הַאוֹכַל, בְּשַׂר
אַבִּירִים; וְדַם עַתּוּדִים אֶשְׁתֶּה.
יד זְבַח לֵאלֹהִים תּוֹדָה; וְשַׁלֵּם לְעֶלְיוֹן
נְדָרֶיךָ. טו וּקְרָאֵנִי, בְּיוֹם צָרָה;
אֲחַלֶּצְךָ, וּתְכַבְּדֵנִי. טז וְלָרָשָׁע,
אָמַר אֱלֹהִים, מַה-לְּךָ, לְסַפֵּר חֻקָּי;
וַתִּשָּׂא בְרִיתִי עֲלֵי-פִיךָ. יז וְאַתָּה,
שָׂנֵאתָ מוּסָר; וַתַּשְׁלֵךְ דְּבָרַי
אַחֲרֶיךָ. יח אִם-רָאִיתָ גַנָּב, וַתִּרֶץ
עִמּוֹ; וְעִם מְנָאֲפִים חֶלְקֶךָ. יט פִּיךָ,
שָׁלַחְתָּ בְרָעָה; וּלְשׁוֹנְךָ, תַּצְמִיד
מִרְמָה. כ תֵּשֵׁב, בְּאָחִיךָ תְדַבֵּר;
בְּבֶן-אִמְּךָ, תִּתֶּן-דֹּפִי. כא אֵלֶּה
עָשִׂיתָ, וְהֶחֱרַשְׁתִּי-- דִּמִּיתָ,
הֱיוֹת-אֶהְיֶה כָמוֹךָ;אוֹכִיחֲךָ וְאֶעֶרְכָה
לְעֵינֶיךָ. כב בִּינוּ-נָא זֹאת, שֹׁכְחֵי
אֱלוֹהַּ: פֶּן-אֶטְרֹף, וְאֵין מַצִּיל.
כג זֹבֵחַ תּוֹדָה, יְכַבְּדָנְנִי: וְשָׂם
דֶּרֶךְ--אַרְאֶנּוּ, בְּיֵשַׁע אֱלֹהִים.
|
Signification : Pour échapper aux brigands.
