125:1
ledhâvidh 'êleykha Adonay naphshiy 'esâ'
25:2
'elohay bekhabhâthachtiy 'al-'êbhoshâh 'al-ya`altsu 'oyebhay liy
25:3
gam kol-qoveykhalo' yêbhoshu yêbhoshu habboghedhiym rêyqâm
25:4
derâkheykha Adonayhodhiy`êniy 'orechotheykha lammedhêniy
25:5
hadhriykhêniy bha'amittekhavelammedhêniy kiy-'attâh 'elohêy yish`iy
'othekha qivviythiy kol-hayyom
25:6
zekhor-rachameykha Adonay vachasâdheykha kiy mê`olâmhêmmâh
25:7
chatho'vth ne`uray upheshâ`ay 'al-tizkor kechasdekha zekhâr-liy-'attâh
lema`an thubhekha Adonay
25:8
thobh-veyâshâr Adonay `al-kên yoreh chathâ'iym baddârekh
25:9
yadhrêkh `anâviym bammishpâthviylammêdh `anâviym darko
25:10
kol-'ârchoth Adonay chesedhve'emeth lenotserêy bheriytho ve`êdhothâyv
25:11
lema`an-shimkha Adonayvesâlachtâ la`avoniy kiy rabh-hu'
25:12
miy-zeh hâ'iysh yerê' Adonayyorennu bedherekh yibhchâr
25:13
naphsho bethobh tâliyn vezar`o yiyrash 'ârets
25:14
sodh Adonay liyrê'âyv ubheriytho lehodhiy`âm
25:15
`êynay tâmiydh'el-Adonay kiy hu'-yotsiy' mêresheth raghlây
25:16
penêh-'êlayvechânnêniy kiy-yâchiydh ve`âniy 'âniy
25:17
tsâroth lebhâbhiy hirchiybhumimmetsuqothay hotsiy'êniy
25:18
re'êh `ânyiy va`amâliy vesâ' lekhol-chatho'vthây
25:19
re'êh-'oyebhay kiy-râbbu vesin'ath châmâs senê'uniy
25:20
shâmrâh naphshiy vehatsiylêniy 'al-'êbhosh kiy-châsiythiy bhâkh
25:21
tom-vâyosher yitseruniy kiy qivviythiykha
25:22
pedhêh 'elohiym 'eth-yisrâ'êlmikkol tsârothâyv |
 Tehilim
025
א לְדָוִד: אֵלֶיךָ
יְהוָה, נַפְשִׁי אֶשָּׂא. ב אֱלֹהַי--בְּךָ
בָטַחְתִּי, אַל-אֵבוֹשָׁה; אַל-יַעַלְצוּ
אוֹיְבַי לִי. ג גַּם כָּל-קֹוֶיךָ, לֹא יֵבֹשׁוּ;
יֵבֹשׁוּ, הַבּוֹגְדִים רֵיקָם. ד דְּרָכֶיךָ
יְהוָה, הוֹדִיעֵנִי; אֹרְחוֹתֶיךָ לַמְּדֵנִי.
ה הַדְרִיכֵנִי בַאֲמִתֶּךָ, וְלַמְּדֵנִי--
כִּי-אַתָּה, אֱלֹהֵי יִשְׁעִי;אוֹתְךָ קִוִּיתִי,
כָּל-הַיּוֹם. ו זְכֹר-רַחֲמֶיךָ יְהוָה,
וַחֲסָדֶיךָ: כִּי מֵעוֹלָם הֵמָּה. ז חַטֹּאות
נְעוּרַי, וּפְשָׁעַי-- אַל-תִּזְכֹּר:כְּחַסְדְּךָ
זְכָר-לִי-אַתָּה-- לְמַעַן טוּבְךָ יְהוָה.
ח טוֹב-וְיָשָׁר יְהוָה; עַל-כֵּן יוֹרֶה
חַטָּאִים בַּדָּרֶךְ. ט יַדְרֵךְ עֲנָוִים,
בַּמִּשְׁפָּט; וִילַמֵּד עֲנָוִים דַּרְכּוֹ.
י כָּל-אָרְחוֹת יְהוָה, חֶסֶד וֶאֱמֶת--
לְנֹצְרֵי בְרִיתוֹ, וְעֵדֹתָיו. יא לְמַעַן-שִׁמְךָ
יְהוָה; וְסָלַחְתָּ לַעֲוֹנִי, כִּי רַב-הוּא.
יב מִי-זֶה הָאִישׁ, יְרֵא יְהוָה-- יוֹרֶנּוּ,
בְּדֶרֶךְ יִבְחָר. יג נַפְשׁוֹ, בְּטוֹב
תָּלִין; וְזַרְעוֹ, יִירַשׁ אָרֶץ. יד סוֹד
יְהוָה, לִירֵאָיו; וּבְרִיתוֹ, לְהוֹדִיעָם.
טו עֵינַי תָּמִיד, אֶל-יְהוָה: כִּי הוּא-יוֹצִיא
מֵרֶשֶׁת רַגְלָי. טז פְּנֵה-אֵלַי וְחָנֵּנִי:
כִּי-יָחִיד וְעָנִי אָנִי. יז צָרוֹת לְבָבִי
הִרְחִיבוּ; מִמְּצוּקוֹתַי, הוֹצִיאֵנִי.
יח רְאֵה עָנְיִי, וַעֲמָלִי; וְשָׂא, לְכָל-חַטֹּאותָי.
יט רְאֵה-אֹיְבַי כִּי-רָבּוּ; וְשִׂנְאַת
חָמָס שְׂנֵאוּנִי. כ שָׁמְרָה נַפְשִׁי,
וְהַצִּילֵנִי; אַל-אֵבוֹשׁ, כִּי-חָסִיתִי
בָךְ. כא תֹּם-וָיֹשֶׁר יִצְּרוּנִי: כִּי,
קִוִּיתִיךָ. כב פְּדֵה אֱלֹהִים, אֶת-יִשְׂרָאֵל--
מִכֹּל, צָרוֹתָיו.
|
Signification : Pour
conjurer le malheur
